sopelako gazte asanblada

OTSAILEKO AGENDA

2012-01-30T16:41:00.001+01:00

OTSAILAK 4

AGATE DEUNA denez, herritik atarako gara abestera. Sekeko gaztetxean 11.30etan.

OTSAILAK 11

BERTSO AFARIA Imanol Uria eta Peio Arondo bertsolariekaz. 21.00etan Sekeko gaztetxean.

Txartelak: Plaza Beltza kulturgunean eta Sekeko gaztetxean salgai, 6€tan. Eguaztenetik aurrera salgai egongo dira.

OTSAILAK 18

Gazte INAUTERIAK Urkoko polikiroldegian.

15.00etan HERRI BAZKARIA.

16.30etan MOZORRO DESFILEA.

19.00etan KALEJIRA Urkotik Sopelaraino.

Hileko 2. eta 4. martitzenetan SUKALDARITZA BARAZKIJALEA 19.00-21.00.

Eguaztenero TXALAPARTA 18.00-19.30.

Eguenero SABEL DANTZA 18.30-19.30 eta MALABAREAK 19.30-21.00.

antolakuntza eta autogestioa!

2012-01-27T08:36:00.002+01:00

Herrialde berdea dokumentalaren aurkezpena eta solasaldia egileekin

2012-01-25T19:51:00.001+01:00

Jon Andoni Aranguren Iharra tiroz hil zuen Guardia Zibilak, 1972an; Jabier Goitia Kabi, berriz, lehergailu batek eztanda eginda hil zen, 1991n. ETAko militanteak ziren biak, bi belaunalditakoak, eta Herrialde berdea lanak haien ibilbideak batu ditu, istorio bakar bat osatuz.

Dozena bat laguni egindako elkarrizketak biltzen ditu lanak. Horien bidez, Iharraren eta Kabiren bizipenak ezagutzera eman nahi dituzte, baita biek bizi zuten garaiko egoera azaldu ere. Bi pertsonaien arteko lotura Nagore Mujika da, Iharraren lehengusina eta Kabiren neska-laguna.Hibai Castroren gidoi eta zuzendaritzapean, Gorka Calzadak, Iker Aroztegik eta Nagore Mujikak lan egin dute. «Auzolanean eta denbora librean egindako proiektu herrikoi gisa» definitzen du dokumentala Castrok. Horrekin batera, istorio propioak kontatzearen garrantzia azpimarratzen du: «Gure istorioak kontatzen ez baditugu, ahanzturan gal daitezke, edo bestela besteek konta ditzakete gure ahotik».

Herrialde berdea izenburuak baditu aurrekariak. 70eko hamarkadan izen bera zuen ipuin bat argitaratu zuten, Iharrak berak idatzitakoa. Hori oinarri hartuta, animaziozko film labur bat egin zuten, baita izen bereko abesti bat ere. Berria

Urtarrilaren 27an barikua / 21.00etan / Plaza beltza kulturgunean, Larrabasterran.

Asteburu honetan mendi irteera

2012-01-24T14:54:00.000+01:00

Asteburu honetan Aralar mendira goaz, etorri nahi izanez gero idatzi email honetara: sopelakoga@gmail.com.

Aralar Mendia 208 kilometroko zabal handia da, Nafarroak eta Gipuzkoak partekatzen dutena. Mendigune karstiko handia da, Nafarroako ipar-mendebaldean, mota askotako paisaiak biltzen dituena: lapiazek, ibar itxiek, leize eta osinek itxura kaotikoa ematen dute eta beti berde dauden larrek eta kolore anitzeko pagadiek, lasaia.

Bi bidetatik joan daiteke Aralarrera: iparretik, Lekunberritik, Iribastik edo Astiztik, eta hegotik, Uharte-Arakiletik (Artzai Egunahan egiten delako da ospetsua herria). Nafarroako Pirinioetakotoki horrek irudi ahaztezinak eskaintzen ditu laur urtaroetan, baita ongi pasatzeko aukera ugari ere.

Zailtasun maila desberdinetako ibilbideak, behatoki naturaletaraSan Migelen santutegia kasu eramaten duten igoera errazak, mendiaren barnetik ezkutatuta bidaiatzen diren erreken iturburuak (Iribaskoa, adibidez), antzinako bizitzen lekuko diren trikuharriak, Aralarren bihotzeraino eramaten duten leizeak (Mendukilo, Astitzen, besteak beste) eta Teodosio Goñikoarena bezalako kondairak... Laburbilduta, ikusgarritasun horiek guztiek paisaia piriniar horren magia handitzen dute.

U-28 BILBORA!

2012-01-21T19:19:00.000+01:00

Urteak dira autogestioa eta okupazioa tresnatzat hartuta bizi eredu ezberdin bat eraikitzeko lanean gaudela. Kapitalismo basatiaren indibidualismoaren aurrean, era kolektiboan, elkarlanez, Bilbo, Euskal Herri eta mundu ezberdin bat sortzeari ekin diogu.

Gaztetxeak dira, gaur egun, bizi eredu alternatibo horren adibiderik garbiena, auzoz auzo, herriz herri, kolorez betetako zirrikituak, ametsak egi bihurtzeko esparruak. Hamaika pertsona ezberdinen borondate eta lanari esker, gizarte kutsatu honi bizitza ematen diogu, zuri beltza koloreztatzen dugu.

Merkatuan oinarritutako gizarte honetan, sistema zapaltzaileari pitzadurak sortuko dizkiogu. Badakigu bizitzeko beste era bat dagoela, diruak horrenbeste garrantzi ez duen beste mundu bat, pertsonak eta baloreek garrantzia duten mundua.

Pribatizazio eta espekulazioari aurre eginez Okupazioa tresnatzat, gazteok lokal hutsak bereganatu eta proiektu alternatiboak sortzeari ekin genion, ekin diogu eta ekingo diogu!

Kapitalismoa babesten duten politiko eta instituzioek ez dute horrelako proiektuetan sinisten, haien interesetara mugatutako gizarte bat nahi dute eta horregatik erasotu eta suntsitu nahi gaituzte.

Bilbon eta Euskal Herrian badira horren hamaika adibide:

- Bilboko Gaztetxea

- Iruñeako Euskal Jai Gaztetxea (Polizia Nazionalak bortizki desalojatu eta erautsia)

- Santutxuko Sorgintxulo (2004an Bilboko Udalak bortizki desalojatu)

- Olabeagako Gaztetxea

- 7 KATUren 4 desalojoak, gaur egun bizirik dirau!

- Eta adibiderik garbiena, urte honetako IRAILAREN 21EAN ERTZAINTZAREN ALDERIK BASATIENA ERAKUTSIZ DESALOJATU ZUTEN KUKUTZA III GAZTETXEA! Edo Gasteizko Zaramaga auzoan gertatutako erasoa.

Hala ere, esan behar diegu ez dutela lortu gazteon eta proiektu ezberdin hauetan parte hartzen dugunon ilusioa eta grinarekin bukatzea. Lanean diardugu inoiz baino gogo eta indar gehiagorekin. Argi izan dezatela Okupatzen jarraituko dugula! Gure saiakerak, ilegalki desalojatu arren (baimen juridikorik gabe izan bait dira azkenengo desalojoak), gaztetxeak sortzen jarraituko dugu, auzo guztietan, herri guztietan, zirrikitu guztietan! Euskal Herrian, eta batez ere Bilbon, okupatzeari ekin diogu, inoiz baino beharrezkoagoa delako, inoiz baino indar gehiago daukagulako. Kukutza IIIren desalojoa kriston kolpea izan zen herri mugimenduarentzat, baina ez gaituzte gelditu. Burua indartsu altxatuko dugu berriro, eta Bilboko auzo bakoitzean gaztetxea bat egon arte borrokatuko dugu.

Hau guztia aldarrikatzeko, datorren urtarrilaren 28an Arriagan 17,30etan hasiko den manifestazioan parte hartzeko deia luzatu nahi dizuegu gaur.

Pertsona ameslariak gara, koloretazko ideiekin, koloreztatzeko gogoarekin, zuri beltzari kolorea ematen jarraituko dugu. Eskeintzen digutenaren aurrean!Amesten, pentsatzen, okupatzen eta eraikitzen jarraituko dugu! Ez gaituzte geldituko!

GURE AMETSAK DIRAUEN BITARTEAN, ZUENAK EGIN DU! GAZTETXEAK AURRERA!

http://www.okupazioeguna.tk/

2012-01-19T09:22:00.000+01:00

Biharko, Sekeko gaztetxean, antolatuta zegoen antzezlana, arazo teknikoak direla medio, bertan behera geldituko da.

PARKATU ERAGOZPENAK!

AHTren aurkako kontzentrazioa eta liburu aurkezpena

2012-01-17T14:49:00.004+01:00

Urtarrilak 19 osteguna

-18.30etan Kontzentrazioa. Larrabasterrako metro geltoki ondoan, burnizko surflariaren parean.
-19.30etan "AHTren aurkako mugimendua eta errepresioa: ibilbide politiko eta historikoa" liburuzkaren aurkezpena, kAHTeak txikitu kolektiboko kideen eskutik. Plaza Beltza kulturgunean (akilino arriola 59. Larrabasterra).

Herriak bizirik!! AHTrik Ez!!

22an MANIFESTAZIOA ERREPRESIOAREN KONTRA!

2012-01-16T14:17:00.003+01:00

Gaur eguerdian Sopelan Gernikako Akordioa sinatu zuten alderdiek (Ezker Abertzalea, EA, Alternatiba, Berdeak, Aralar) eta beste hamaika kolektiboren ordezkariek Udaletxeko Plazan agerraldia egin dute bere auzokidea den Ion Etxegarairi elkartasuna adierazteko. Bertan elkartu direnen izenean Zukuk eta Sopelako alkatea den Saioa Villanuevak idazki bat irakurri dute. Bertan adierazi dutenez ebazpen honen bitartez, "Audientzia Nazionalak, beste urrats bat eman du Euskal Herrian zabaltzen ari den gatazkari irtenbideak bilatzearen aldeko bideari ateak itxi nahian".

Gainera "Ioni ezarritako zigor honek ez du inolako justifikaziorik eta ez dator bat garai berri hauetan gizartearen gehiengoak aldarrikatzen duen gatazka elikatzen duten jokaerak desagertu beharraren aldarriarekin" nabarmendu dute. Amaitzeko Gernikako Akordioaren sinatzaileek Etxegarairi euren babes osoa eskaini diote. "Era berean adierazi nahi dugu benetako konponbide demokratiko baten alde ari garen eragileok euskal herritarren kontrako eraso hauen aurrean erantzun bateratu bat ematearen beharra dugula" azpimarratu dute.

Hori dela eta datorren urtarrilaren 22rako, domeka, eguerdiko 13etatik hasita manifestazio baterako deia egin dute. "Alderdi politiko guztiei eskatzen diegu une honek exijitzen duen ausardia politikoa erakus dezaten" eskaera egin dute. Gogoan izan behar dugu Sopelako Udalean BILDUk mozio bat aurkeztu zuela ebazpen judizial honen aurka eta PNVk PPrekin eta PSE-EErekin bat egin zuela EZ bozlaketzeko eta beraz Sopelako auzokide honi babesa ukatzeko. sopela.net

Biher Sekeko gaztetxean Jonu kantautorea

2012-01-14T11:32:00.003+01:00

ITZUBALTZETAKO SEI LAGUN AUZIPERATUAK

2012-01-12T15:09:00.004+01:00

Itzubaltzeta / Romoko sei auzokide auziperatuta daude Kukutza II gaztetxearen okupazioagatik, "jabegoaren kontrako kalteak" egotzita. Guztira, 27 dira akusatuak, gehienak Bilboko Errekalde auzokoak. Atzo abiatu zituzten deklarazioak eta 9 lagun pasatu behar izan ziren Bilboko epaitegietatik, Itzubaltzeta / Romoko auzotar bi tarteko. Okupazio mugimenduko kideek jakinarazi dutenez, ez fiskala ezta akusazioa ere ez ziren bertaratu. Gaur, berriz, beste hiru gazte itzubaltzetar izango dira eta bihar azkena. Auziperatu guztiei elkartasuna agertu eta gune okupatuen defentsa egiteko "Okupazioa ez da delitua!" lelopeko bi elkarretaratze egingo dituzte bihar Itzubaltzeta / Romon. Lehenengoa, goizeko 11:15ean izango da Romo-Artatza institutuan eta bigarrena iluntzeko 8etan, Santa Eugenia plazan. ukberri.net

KUKUTZA PROIEKTUAREN AURKAKO EPAIKETARAKO DEKLARAZIOAK

2012-01-11T16:14:00.001+01:00

Kukutzaren oharra:

Aste honetan hasiko zaizkigu Kukutza proiektuaren kontrako epaiketarako deklarazioak, eta hilabete osoan zehar garatuko dira 2 prozesu ezberdin. Urtarrilak 11, 12 ta 13, Kukutza II okupatu zutenek deklaratuko dute eta hurrengo asteetan Kukutza IIIko hustutzean etxebizitzan erresistitzen zeuden kideek.

Kukutza IIko autoak dioen arabera, ez zaizkie usurpazio deliturik leporatzen, jabegoaren kontrako kalteak baizik. Larraskitu kaleko 27. zenbakian sartu zen kide taldearen helburua, hura 13 urtetan hutsik egon dela zalatzea zen, 1998. urtean, Kukutzako kideak handik bota zituzteztenetik, hain zuzen ere.

13 urte hauetan, eraikin horrek sua hartu du, etxegabekoentzako aterpea izan da, eta auzokideentzako arriskua izan da. Orain, eraikina okupatu zutenei 9.000 euroko eskaera egiten die jabeak, atea, horma eta lehioak apurtu izanagatik, argi ikusten denean, ertzainek direla atea apurtu eta horma botatzen dutenak.

Eskaera hauekin, argi geratzen da egun horretan ertzainek buruturiko operazioak ez zuela usurpazio delitu bat gelditzeko helburua, gaztetxe saiakera bat galaraztea baizik.

OKUPAZIOA EZ DA DELITUA!

URTARRILEKO AGENDA SEKEKO GAZTETXEAN

2012-01-09T14:09:00.004+01:00

URTARRILAK 15

Jonu kantautorea, 19.30etan.

http://www.myspace.com/jonukan

URTARRILAK 19

Sabel dantza, 18.30etatik 19.30etara. ( 7 pertsonentzako lekua)

Malabareak, 19.30etatik 21.00etara.

Ikastaro hauek ostegunero izango dira. Apuntatzeko sopelakoga@gmail.com.

URTARRILAK 20

Eta karmele? antzelana, 20.00etan.

Absurduaren antzerkitik gertu dagoen lan honek, umorea tresnatzat hartuta, emakumeen kontrako indarkeriari buruzko gogoeta fina egiten du.Aktoreak: Ainhoa Alberdi Gisasola eta Iraia Elias Muniain.

URTARRILAK 28-29

Mendi irteera Aralarrera.

Dokumentala eta hitzaldia

2012-01-08T18:47:00.000+01:00

Urtarrilaren 10ean ,19.00etan Plaza Beltza Kulturgunean

2012-01-07T14:37:00.003+01:00

BIHAR DANOK BILBORA!

2012-01-06T17:04:00.001+01:00

AMNISTIA OSOA!

Urtarrilak 3 ESKALADA Ikastaroa

2012-01-02T17:13:00.001+01:00

Urtarrilak 3, 19:00etan Eskalada ikastaro laburra izango dugu Sekeko Gaztetxean. Eskaladaren nondik norakoak, segurtasun neurriak etab. ikasteko aukera izango dugu. Maila 0 dutenentzat zuzendua, beraz ez dago aitzakirik, erdu eskaladaren mundura gerturatzera!!

URTE BARRI ON!!

2011-12-31T18:37:00.002+01:00

Entsegu lokala

2011-12-30T13:42:00.001+01:00

GAUR 17.00tan geratu gara lanagaz jarraitzeko! animatu eta parte hartu.

GAUR 20.00etan PRESO POLITIKOEN ALDEKO AZKEN BARIKUA

2011-12-30T11:11:00.001+01:00

ERDU!

2011-12-26T11:24:00.001+01:00

Bihar etorri Sekeko Gaztetxera, giro ezin hobea, musika ona, pintxoak, poker txapelketa...17.30tatik aurrera.

AMNISTIAREN ALDEKO OLENTZAROA

2011-12-22T16:50:00.002+01:00

Biher Amnistiaren aldeko Olentzaroa ospatuko da. Udaletxeko plazatik urtengo da, 19.00etan.

Erdu!

MANIFESTAZIO NAZIONALA

2011-12-20T16:44:00.000+01:00

Bi urteko espetxe zigorra ezarri diote Ion Etxegarairi

2011-12-20T16:38:00.000+01:00

Espainiako Auzitegi Nazionalak bi urteko espetxe zigorra ezarri dio Ion Etxegarai Begoña sopeloztarrari, hainbat albiste agentziek zabaldu dutenez. Tribunalak "frogatutzat" eman du mutila "2002ko martxoaren 15ean Algortako Iturgitxi kaleko La Caixaren kutxazain batean lehergailu bat jartzen ibili zela". Horretaz gain, 17.199 euroko kalte-ordaina eman beharko dio aipatu bankuari Etxegaraik. Hala ere, Jose Ricardo de Prada epailearen kontrako iritzia izan du sententziak. Magistratuaren arabera, "kale borroka ekintza bat ez da automatikoki terrorismo ekintza bat bailitzan hartu behar". Horri jarraiki, delitua "preskribatuta" eta gaztea "zigorrik gabe" egon beharko lukeela uste du De Pradak. 2010eko azaroaren 24an atxilotu zuten Ion Etxegarai, bere kabuz epailearengana aurkeztera zihoanean. Handik lau hilabetera, martxoaren 30ean, askatu zuten, 20.000 euroko fidantza ordaindu ondoren. Argazkian, Etxegarai atxilotu zuten egunean auzokideek egindako protesta.ukberri.net

MUMIA ABU JAMALI BURUZKO HITZALDIA

2011-12-16T13:59:00.004+01:00

Euskal Herriko Mumiaren Lagunak elkarteak hitzaldia emango du gaur iluntzeko 8:00etatik aurrera Larrabasterrako Plaza Beltza herri kultur gunean. Mumia Abu Jamal AEBetako Filadelfiako Kazetari Beltzen Elkarteko presidente, irrati kazetari, Pantera Beltzetako ekintzailea eta idazlea atxilotu, espetxeratu eta heriotzara zigortu zutenetik 30 urte bete ziren hilaren 9an. Nazioarteko deialdiarekin bat eginez, Uribe Kosta eskualdean ere hainbat ekimen burutu ziren.

Daniel Faulkner polizia hil izana leporatu zioten Mumia Abu Jamali 1981ean eta hurrengo urtean kondenatu zuten. Jada orduan, Poliziak egindako "muntaia" eta Justizia Administrazioak erabilitako "arrazakeria" salatu egin zuten ezkerreko eta beltzen mugimendu anitzek eta nazioartean heriotza zigorraren aurkako mugimenduaren ikonoa bihurtu zen kazetaria. 2008ko martxoaren bukaeran epaiketa berria egitea ukatu egin zion Filadelfiako Helegite Auzitegi Federalak. Aurkako boto batekin eta bi aldeko botoekin froga berriak baztertu eta kazetariaren "erruduntasuna" berretsi zuen auzitegiak. Kaleratutako autoan, Abu Jamalen aurkako heriotza zigorra ordeztu zuen bizi arteko espetxe zigorra ezarriz. ukberri.net

VII. BIGARREN ESKUKO LIBURU AZOKATXUA

2011-12-16T13:49:00.001+01:00

Abenduaren 17 eta 18an goizeko 11.00etatik arratsaldeko 18.00etara / Sopelako frontroiaren arkupean.

Liburu 1 = euro 1

Entsegu lokalaren obra

2011-12-15T09:43:00.001+01:00

Entsegu lokalaren proiektua aurrera doa argazkian ikusten dan bezala.

Bariku honetan bigarren solairuagaz hasiko gara 17:30tatik aurrera, animatu eta parte hartu.

Entsegu lokalaren kudeaketaz informazioa nahi izan ez gero bidali mail bat hona

Autogestioa eta borroka.

PRESO ETA IHESLARI POLITIKOEN ALDEKO HERRI BILGUNEA

2011-12-14T17:33:00.003+01:00

Ostiralean, abenduak 16, Herri Bilgunea aurkeztuko da Sopelako Udaletxeko Aretoan, 19:00etan, emandako lehen urratsak azaldu eta urtarrilaren 7ko HERRI MOBILIZAZIO OROKORRAri begira Sopelan burutuko diren ekimenen gaineko informazioa emateko.

Euskal Preso eta Iheslari politikoen aldeko Herri Bilgunea irekita dago Euskal Herriko egoera politiko berrian parte hartu nahi duten guztientzat eta bere helburua, amnistia osoa lortzeko bidean, espetxeetako muturreko egoerak konpondu eta euskal preso politiko guztiak Euskal Herrira ekartzea da lehenengo fase batean.

Bestalde, ostiralean bertan, elkarretaratzea egingo da 12:00etan Udaletxeko plazan. Etengabe

POKER TXAPELKETA SEKEKO GAZTETXEAN

2011-12-13T20:34:00.003+01:00

GAURKO SUKALDARITZA TAILERRA BERTAN BEHERA!

2011-12-13T17:37:00.001+01:00

Gaur, abenduak 13, ez da sukaldaritza barazkijale tailerrik egongo.

2011-12-13T17:28:00.003+01:00

kuña

REGGAE JAIA GAUR SEKEKON

2011-12-10T14:04:00.001+01:00

SEKEKOKO ENTSEGU LOKALA

2011-12-09T15:11:00.000+01:00

Gaur arrastiko 17:30tan eta biher goizeko 11:00etan, Sekekoko entsegu lokalaren obrekin jarraitzeko lotu gara.

ERDU!

autogestioa eta borroka!

Abenduaren 9an "NIRE BIZI OSOA ESPETXEAN" proiekzio/ekintza globala

2011-12-08T23:05:00.007+01:00

PROIEKZIOA PLAZA BELTZA KULTURGUNEAN

ABENDUAREN 9an, 19:30tan

Mumia Abu-Jamal, Philadelfiako poliziaren arrazakeria eta indarkeria salatzen zuen Pantera Beltza Alderdiko kide ohi, ekintzaile eta kazetari ezaguna, 1981eko abenduaren 9an Daniel Faulkner polizia zuria erailtzeagatik heriotza zigorrera izan zen kondenatua. Pistola hori Mumiak erabili zuela esaten zuen froga finkorik ez zegoen gau hartan; bala Mumiak berak jaso baitzuen polizia haren eskutik eta lurrean jausita baitzegoen. Bi hilabete geroago ordea, ospitalean Mumiak gertakizunaren ardura hartu zuelakoaz “oroitu” zen polizia. Tiroketaren ondoren, gertakizunaren tokitik gizon bat ihesi atera zela adierazi zuten 5 lekuko. Alabaina, epaitua eta heriotzara zigortua izan zen Albert Sabo epailearengandik, zoritxarrez EEBBan afroamerikar gehien heriotza zigorrera bideratzeagatik ezaguna den epaile jauna.

80. eta 90. hamarkadetan zehar Mumiaren aldeko nabaritasunen helegiteen aurkezpena ukatua izan da eta bere errugabetasuna geroz eta ageriagoa zen. Besteak beste, epai-mahaia aukeratzean irizpide arrazistak gailendu ziren, eta lekukoek poliziaren presiopean deklarazio faltsuak adierazi zutela aitortu izan dute. Gainera, epaileek eta aldeko frogen ezkutatzeak, Mumiarentzako baldintzazko defentsa saihestu dute.

EEBBetako eta mundu osoko kaleetan Mumiaren aldeko babes handia zela eta, 1995ko eta 1999ko exekuzio datak indargabetuak gelditu ziren eta 2001era pasa zioten heriotza sententzia kaleratzeko epea; nahiz eta Mumia erruduntzat jo. 2008ko martxoaren 27an Hirugarren Zirkuituko Auzitegi Federalak Mumiaren errudungabetasuna erakusteko epaiketa berri baten aukera ukatu arren, heriotza zigorra bertan behera utzi zion. Eta 2009ko apirilaren 6an, Auzitegi Gorenak gora jotzeak ukatu zizkioten, epaiketa berri baten aukera guztiz ekidituz.

Baina 2010eko urtarrilaren 19an Mumiaren egoera txarrerantz egin zuen, Auzitegi Gorenak heriotza zigorra berrezarri bait zion. Kasua berriz aztertzeko asmoarekin beheko beste auzitegi batera bideratu ze, Frank Spisak neonazioaren kasuan Auzitegi Gorenak heriotza zigorra berrezartzeko erabakiaren aurrean.

2010eko azaroaren 9an, Hirugarren Zirkuituak bi kasuen heriotza zigorraren inguruko argudioak entzun zituen, eta inork espero ez zuenean, Auzitegi Gorenaren presioa gainditu eta zera jakinarazi zuen: “Sententzia zehazteko entzutegi bat burutu gabe, Filadelfiako fiskaltzak ezin du Mumia Abu-Jamal hilarazi”.

Ondoren, 2011ko apirilaren 26an Hirugarren Zirkuituko Auzitegi Federalak biziarteko zigorra onartu eta heriotza zigorra bertan behera utzi zuen, exekuzio hori Konstituziotik at zegoela argudiatuz. Epaimahaiak 2008ko erabakia babestuz, heriotza zigorra berriz ezeztuz. Filadelfiako poliziaren eskutan dagoen Fiskaltzak Auzitegi Federalaren erabakia gora jo zuen, eta azkenik, 2011ko urriaren 11n Auzitegi Gorenaren sententziaren arabera, Fiskaltzak Mumia exekutatu ahal izateko epaiketa berri bat antolatu beharko du.

Bistan da EEBBko auzitegi sisteman, Mumiarentzako justizia aukerarik ez dagoela. Heriotza motela suposatzen duen bizi osorako zigorra du, eta Estatuaren heriotza mehatxua zutik mantentzen da. Azken finean, Mumia, munduko preso politiko esanguratsuenetarikoa dugu, Pantera Beltza Alderdiko kide izateagatik, MOVE erakundea bultzatzeagatik edota bere izaera eta adierazpen iraultzaileengatik sistemak gatibu duelako. Eta bere isolamenduko gelaxkatik espetxeak diren kontzentrazio esparruei buruz, inperialismoaren azpijokoen azterketei buruz, erresistentzia istorioei buruz, eta munduko borroka sozial guztiei eta preso sozial zein politiko guztiei elkartasuna helaraziz egunero idazten digu. Isolamendua hautsiz, jada 6 liburu idatzi ditu eta bere irratsaioak munduan zehar zabaltzen dira.

“Ahots gabekoen ahotsa” bezala ezagutua den Mumia Abu-Jamalek, 30 urte daramatza Pensilvaniako SCI Greene espetxean preso politiko moduan, bizi osorako zigorraren eta heriotza zigorraren artean borrokatzen, heriotza eta bizitzaren artean borrokatzen.

REGGAE JAIA SEKEKO GAZTETXEAN

2011-12-07T22:38:00.002+01:00

GAUR EZ DAGO TAILERRIK

2011-12-05T14:55:00.000+01:00

Gaur, abenduak 5, ez da arropa birziklatzeko tailerra burutuko.

GAUR MANIFESTAZIOA DURANGON

2011-12-05T12:47:00.000+01:00

"ETENGABE" BLOGA BESTE HELBIDE BATERA ALDATUKO DA

2011-12-05T12:44:00.000+01:00

Eskaintzen duen blog zerbitzua abenduaren 7an bertan-behera utziko duela jakinarazi du Blogsome plataformak. Hartara, etengabe.blogsome.com bloga ere helbide horretatik desagertu daiteke (Blogsomeren oharrak “blogaren edukia desagertu daitekeela” esaten du). Horren aurrean, blogaren edukiak gorde eta beste plataforma batera joan da Uribe Kostako Amnistiaren Aldeko Mugimenduak,wordpress.com helbidera. "Gauza batzuk aldatuko dira. Plataforma honek ez ditu blogsomek eskaintzen zituen aukera guztiak ematen, baina orain arteko edukia gorde ahal izateko WP softwarean oinarritutako plataforma batera joan beharren gaude, eta, arazoak arazo, saiatuko gara bloga piskanaka egokitu eta aurrera egiten informazio gune honekin", argitu du errepresioaren kontrako erakundeak.

Helbide berria:

etengabe.wordpress.com

DURANGOKO XII. AZOKA EZ KOMERTZIALA

2011-12-04T12:18:00.000+01:00

KUKUTZA GAZTETXEAREN LIBURUA

2011-12-04T12:14:00.002+01:00

KUKUTZATIK:

Abenduak 4an, Durangoko azokaren irekierarekin batera, Kukutzako kideok Lutxo Egia idazlearekin elkarlanean idatzitako “Kukutza gaztetxea. Ellos por dinero, nosotras por placer” liburuak argia ikusiko du, Txalaparta argitaletxearen eskutik.

Sinopsian aipatzen den bezala, liburuak, sastre baten kutxa bailitzan, bere baitan denetarik gordetzen du: garapen pertsonala, borroka kolektiboa eta jendartearen eraldaketa helburu dituen proiektu baten pusketak eta egun horietan gertatutakoaren pasarteak, gure bizitzeko era berplanteatzera gonbidatzen gaituzten zirriborroekin batera.

Oraingoan, liburua gazteleraz bakarrik argitaratuko da. Izan ere, liburu hau erlojuaren kontra borrokatuz bere elaborazioan inplikatutako pertsonen esfortzu izugarriari esker aterako da bihar, eta ezin izan dugu euskarazko edizioa aldi berean atera. Horregatik, Kukutza gaztetxeko kideok etorkizun hurbilean euskarazko edizioa argitaratzeko konpromezua hartua dugu. Hain zuzen ere, liburuaren salmentan lortutako irabaziak horretara bideratuko dira, eta kukutzaren desalojo eta eraispenaren ondoren zabaldutako prozesu judizialek dakarten gastuei aurre egiteko ere.

Liburua guk kalean jarriko dugun karpa batean egongo da salgai, 18 eurotan. Kukutzak, hemen saldutako liburu bakoitzetik lortzen den irabaziaren %50a eskuratuko du, aldiz, Txalapartan saldutako ale bakoitzetik %10a baino ez. Beraz, Kukutzako kideok liburua goian aipatutako lekuan erosteko deia luzatzen dizuegu. Bertan gainera, liburuaz gain, 2012 urterako egutegia eta fieltroz egindako brotxeak ere salgai egongo dira, gainontzeko kolektiboen beste material batzuen artean.

ABENDUAK 3 EUSKARAREN NAZIOARTEKO EGUNA

2011-12-03T12:04:00.001+01:00

AUZOLANAK

2011-12-02T16:43:00.001+01:00

Sopelako gazte asanbladakook, Sekeko Gaztetxean, musika entsegu lokal bat martxan jarri gure dogu. Horretarako obrak hasi ditugu.

Proiektua aurrera eroateko, herriko jendearen laguntza behar dogu. Beraz, musikazale bazara, talde bat baldin badozu edo besterik gabe lagundu gure badozu, jarri gurekin harremanetan eta kontatuko dizugu gehiago. Eguaztenero, arratsaldeko 20:30tan asanbladan biltzen gara.

Edo nahi izanez gero gaur etorri, arratsaldeko 17:00etan ala biher goizeko 10:00etan, obrekin jarraitzeko lotu baikara.

autogestioa eta borroka!

LIBURU AURKEZPENA GAUR PLAZA BELTZAN

2011-12-02T15:25:00.002+01:00

“Historia del abertzalismo virtual" liburua aurkezteko ekitaldia antolatu du gaurko Plaza Beltza herri kultur-guneak. Hitzordua 19:30ean jarri dute Larrabasterrako Akilino Arriola kaleko egoitzan. Igor Meltxor aipatu lanaren egileak ez ezik, Periko Solabarria ezker abertzaleko buruzagi eta LABeko militante historikoak ere parte hartuko du gaurko saioan. “Historia del abertzalismo virtual" liburuan, EAJren ibilbidea aztertzen Meltxor ortuellarrak, oso ikuspegi kritiko batetik. "Ez da liburu objektiboa", onartzen du, "ikuspegi independentista eta abertzaletik idatzita dagoelako, baina han aipatzen diren adierazpen eta gertaerak ongi dokumentatuta daude". Argazkian, neska bat liburua irakurtzen Plaza Beltza kultur-gunearen inaugurazioan. ukberri.net

PLAZA BELTZA KULTURGUNEKO AGENDA

2011-11-29T16:07:00.005+01:00

Hau da abendurako dagoena Plaza Beltza kulturgunean:

LIBURU AURKEZPENA:

Historia del abertzalismo virtual. Igor Meltxor eta Periko Solabarriarekin.

Abenduaren 2an, arratsaldeko 19,30etan

BIDEO EMANALDIA:

Mumia Abu Jamal preso politikoaren askatasuna eskatzen duen kanpainarekin

bat eginik, abenduaren 9an, 19.00etan “Nire bizi osoa espetxean” dokumentalaren

proiekzioa.

HITZALDIA:
Mumia askatu. Euskal herriko mumiaren lagunak. Barikua 16, 19.30etan

VII. BIGARREN ESKUKO LIBURU AZOKATXUA:

Sopelako frontoian. Abenduaren 17-18an, goiz eta arratsaldez. Bigarren eskuko
kamioikada bat liburu merke-merke ta politxe. Trukea egiteko aukera ere egongo da,

ekarri liburuak edo gauzak etxetik.

Aterantzen den dirua kulturgunearen autogestiorako izango da.

LIBURU AURKEZPENA:

Silvia Delgadoren olerki eta J.Kalvellidoren marrazkiak osatzen dute “Los partos
de la Bestia” liburua. Egilearekin solasaldia eta marrazkien erakusketa.Abenduaren 20an, 19.00etan.

DOMEKETAKO ZINEMALDIA BERRIRO MARTXAN!

2011-11-27T13:59:00.000+01:00

Ikasturte honetan ere herriko kuadrilen elkarlanaz, martxan jarri ditugu domeka arratsaldeetako gaztetxeko pelikula saioak.
Gaurtik hasita, hilabeteko azken domeka guztietan, pelikulazaleok 18.30etan daukagu zita Sekekon!!
Arratsalde honetarako, El experimento pelikula proposatu da.

Pelikularen sinopsia:
Itxurazko kartzela batean, bi aste irauten duen esperimentuan parte hartzen dute 20 pertsonek. Bertan, kartzeletan ematen den rol eta botere banaketaz baliatuta, gizakiaren izaera aztertzen da, botereak eta agresibitateak duten lotura zuzena agerian utziz.

GAUR SKA DANTZALDIA SEKEKON

2011-11-26T12:13:00.000+01:00

2011-11-25T11:55:00.002+01:00

AZAROAK 25

2011-11-25T10:58:00.000+01:00

II. MURAL POLITIKOEN TOPAKETA

2011-11-23T16:41:00.001+01:00

Hurrengo Azaroaren 26an larrabasterran 2. mural politikoen topaketa burutuko da. Plaza Beltzak eta Sopelako Gazte Asanbladak antolatzen dugun ekimen honen helburua, herri mugimenduen aldarrikapen eta borrokak ikusgarri egitea da, eta bide batez, gure bizitzetan hain ohikoak egin diren horma gris ilun horiek kolorez zipriztintzea. Aurreko urtean bezala, elkarte eta kolektiboek izango dute muralak egiteko aukera, bakoitzak bere gaia jorratuz. Brotxagaz egindako betiko muralak, grafitia, plantillak, kolasa,...edozer gauzak balio du kalea gure mezuekin apaintzeko.

Honen ostean, poteo bat herritik eta afaria gozoa eskeintzen dizuegu. Sekeko gaztetxean izango da, animatzen zareten guztientzako eta bertako elikagai agroekologikoekin.

EGITARAUA:

-16.00etan mural margoketa.

-19.00etan poteoa herritik.

- 21.30tan afaria Sekeko gaztetxean.

Ostean, ska dantzaldia Maiakovsky DJarekin.

OSASUNA TA AUTOGESTIOA!!

IONTXUREN KONTRAKO EPAIKETA

2011-11-22T20:22:00.001+01:00

Ion Etxegarai Begoña sopeloztarraren kontrako bi urte eta erdiko espetxe zigor eskaerari eutsi dio gaurko epaiketan Espainiako Auzitegi Nazionaleko Fiskaltzak. Mutilak, ordea, 2002ko martxoaren 15ean Algortako Iturgitxi kaleko La Caixaren kutxazain batean lehergailu bat jartzen ibili izana ukatu egin du. Fiskalaren galderei erantzunez, gau horretan Sopelako bere etxean zegoela aipatu du. Etxegarairen arrasto genetikoak omen zituen txanoari dagokionez, "antzina ukitu izana" balitekeela erantzun du gazteak. Beti ere aipatu iturrien arabera. Hala eta guztiz ere, arrasto genetiko horiek "zalantza izpirik uzten ez" dutela adierazi du akusazioko letraduak. Bitartean, abokatuak absoluzioa eskatu du, "froga nahikorik ez dagoelako". ukberri.net

IONTXU GAZTE SOPELOZTARRA EPAITUKO DUTE GAUR AUZITEGI NAZIONALEAN

2011-11-22T11:57:00.003+01:00

Gaur, hilak 22, Espainiako Auzitegi Nazionalean epaituko dute Ion Etxegarai Begoña. Iontxuren aurkako epaiketa azaroaren 14an egin behar zuten, baina atzeratu egin zuten. Hainbat peritu eta lekukori zitazioa eman ez izanak bultzatu zuen epaileen erabakia. Fiskalak bi urte eta erdiko espetxe zigorra eskatzen du Etxegarairentzat, 2002ko martxoaren 15ean Algortako Iturgitxi kaleko La Caixaren kutxazain batean lehergailu bat jartzea eta 17.000 euroko kaltea sortzea leporatuta. Aipatu ekintzagatik dagoeneko kondenatutako Orkatz Gallastegi Sodupe berangoztarrarekin batera aritu zela dio fiskalak.

Fiskaltzaren arabera, Iturgitxiko kutxazainaren inguruetan hainbat objektu batu zituzten poliziek, hala nola, latexko eskularruak, jertse bat, txano moduko zapi bat eta bi kamiseta, gorri eta zuri kolorekoak, haietako batean Etxegarai akusatuari dagozkion arrasto genetikoak identifikatu direla". Iazko azaroaren 24an atxilotu zuten Etxegarai, bere kabuz epailearengana aurkeztera zihoanean. Handik lau hilabetera, martxoaren 30ean, askatu zuten, 20.000 euroko fidantza ordaindu ondoren. Mutilari zein Gabi Basañezi apirilaren 4an Sopelan egindako harrera kolpeka desegin zuen Ertzaintzak. Ondoren, Ertzaintzaren jokabidea salatu zuen Sopelako Udalbatzak. ukberri.net

GAUR HILAK 20 SEKEKO GAZTETXEA ITXITA

2011-11-20T12:05:00.000+01:00

GOGOAN ZAITUZTEGU

2011-11-20T11:50:00.001+01:00

Gerra zikinak erailak

HERRIAK EZ DAU AHAZTUTEN. JUSTIZIA, MEMORIA ETA ASKATASUNA!

II. MURAL POLITIKOEN TOPAKETA

2011-11-19T10:35:00.005+01:00

2011-11-17T17:23:00.001+01:00

http://kolosalaizangoda.info/

ENTSEGU LOKALA SEKEKON

2011-11-17T13:03:00.006+01:00

Sopelako gazte asanbladakook, Sekeko Gaztetxean, musika entsegu lokal bat martxan jarri gure dogu. Horretarako obrak hasi ditugu.

Proiektua aurrera eroateko, herriko jendearen laguntza behar dogu. Beraz, musikazale bazara, talde bat baldin badozu edo besterik gabe lagundu gure badozu, jarri gurekin harremanetan eta kontatuko dizugu gehiago. Eguaztenero, arratsaldeko 20:30tan asanbladan biltzen gara.

Edo nahi izanez gero biher etorri, arratsaldeko 17:00etan, obrekin jarraitzeko lotu baikara.

autogestioa eta borroka!

ERREKALDEKO GAZTETXE BARRIA HUSTU ZUTEN ATZO

2011-11-17T11:47:00.003+01:00

Kukutza

Errekaldeko KUKUTZA III gaztetxea eraitsi eta bi hilabeteren ostean, atzo azaroak 16, gaztetxe proiektua erreibindikatzeko ekintza izan zen Larraskitu kaleko 27. zenbakian, Kukutza II gaztetxea garatu zen eraikinean, hain zuzen ere.

Eraikin hori 1998ko maiatzan okupatu egin zuen Kukutzako asanbladak, eta bi hilabeteren ostean hustu egin zuten jabeak espekulatzen jarraitu nahi zuen eta. 13 urte pasa dira, eta eraikin horrek, Gazte Asanbladak eta Auzo Elkarteak behin baino geihagotan salatu duten bezala hutsik darrai, espekulazioaren bidean.

Bere jabeak, ia 20 urtetan euki du hutsik bere ardurak ekidituz. 2006. urtean, norbaitek borondatez erre egin zuen eraikina eta orduz geroztik, barruko egurrezko estrukturak usteldu egin dira, auzokideentzako osasun arrisku batean bihurtuz.

Ato 27 bat gaztetxekide sartu ziren eraikinean barrukoa garbitzeko prest arratsaldeko 5.30ak aldera, eta 2 ordutan sekulako lana egin genuen, usteldutako estrukturak botatzen. Argi utzi behar da estruktura horiek ez zirela oinarrizkoak, baizik eta estanteriak eta eskilarak. 6.30etarako ertzaintza gerturatu zen gertatzen zena ikustera. Jabearekin hitzegin ostean, desalojoarekin hasi ziren "ariete" batekin atea bota nahian. Azkenean atetik ezin zirela sartu ikusi zutenean, paretan butroi bat egin zuten. Zulotik pare bat gomazko pilota tirokatu zituzten. Behin barruan ordu bat eduki zituzten eskuak buruetan identifikatu bitartean. Generadoreak ematen zuen argia amatatu zenean, kalera atera ta identifikatu ostean libre utzi zituzten, biolentziadun okupazioa leporatuz.

Kukutza gaztetxeko asanbladatik, desalojoa ilegala izan dela badakigu, epaitegiak desalojo agindurik ez baitzuen eman. Hau da, zipaioek epaile bezala ekin zuten. Gertaera hau, beste bitan errepikatu da azkenengo hilabetean, Erandioko gaztetxea eta Donostiko Arte Ederren antzokia udaltzaingoek ilegalki hustu zutenean.

Errekaldek gaztetxe eta gune autogestionatuen guneen beharra dauka, eta instituzioek ezin dute behar hori asetu. Gainera, guztiok ordaindutako instituzio horiek, espekulatzaileen interesak defendatzen dituzte auzokideon interesen gainetik.

Okupazioa beti izango da borroka tresna duin eta efektiboa, jendartean dauden bidegabekeriak azaleratzeko, beste eredu sozial bat eraikitzeko, sortzeko, denona den lurra berreskuratzeko.

Lokartuta nahi gaituzte. Pasiboak nahi gaituzte. Produktu bihurtu nahi gaituzte.

Ez dugu etsiko gaztetxea lortu arte.Errekaldetik ez dira pasako!

Gora Kukutza gaztetxea!
Gora Errekalde!
Gora Euskal Herriko ta mundu osoko gaztetxeak!

KUKUTZA II HUSTU DUTE

2011-11-17T09:56:00.002+01:00

Kukutzako kideek Kukutza II Gaztetxea izan zen eraikina okupatu dute arratsaldean. 27 lagun Larraskitu kaleko lokal abandonatuan sartu dira 17:00ak aldera Errekaldeko “bizilagunen beharrak beteko dituen lokal bat”premiazkoa dutela aldarrikatzeko.

19:30 aldera Ertzaintza eta Udaltzaingoa gerturatu dira eta zirkulazioa itxi dute Gordoniz kaletik okupatu duten lokalera arteko zatian. Atea behera botatzea ezinezko egin zaienez, horman zulo bat egitea erabaki dute ertzainek eta 20:00ak aldera barruan zeuden lagunak ateratzen hasi dira. Guztiei idarrezko usurpazioa egotzi diete eta inputatu dituzte.

Ateratzen zituzten heinean eraikinaren fatxadaren kontra jarri eta identifikatuegin dituzte. Minutu batzuen burua aske utzi dituzte denak. Bitartean, kanpoaldean Bilbo osotik heldutako dozenaka lagun bildu dira azken okupazio saiakera honetan parte hartutakoei babesa emateko.

Lokalaren barruan izandako lagunetako batek Brankari jakitera eman dionez, “Errekaldeko bizilagunek eraikin publikorik gabe” jarraitzen dute eta, beraz, Udalak “auzoak dituen beharrak asetu gabe jarraitzen du”.

Lokal bat izateko “baldintza eta izapide piloa betetzeko beharra jartzen du Udalak” baina Kukutzako kideek ez dute “hortik pasako”, azaldu dutenez. Aitzitik, “lokal autogestionatu” baten bila jarraituko dutela iragarri dute, “jendea askatasunez bildu daitekeen eta proiektuak modu autogestionatu batean” aurrera eraman daitezkeen lokal baten bila.

Bestalde, Kukutzatik gogor salatu nahi dute Larraskituko eraikinaren egoera txarra.“Lotsagarri da”, esan dutenez, Udalak aspalditik hutsik dagoen lokal bat horren hondatuta izatea ahalbidetzea. “Dena erreta eta ustelduta” dago barrutik eta oraindik substantzia toxikoak eta kutsagarriak daude barruan, asanbladako kideek jakinarazi dutenez. “Ezin da onartu Udalak Errekaldek dituen beharrizanak betetzeari uko egitea eta, era berean, mota horretako lokal bat horren abandonatua izatea baimentzea”, salatu dute. Zentzu horretan, Poliziak kanporatu bitartean lokalean pasatako hiru orduak garbitzen pasa dituztela azpimarratu dute.

Kukutzako lagunek argi utzi nahi izan dute “gizarte erabilpenik gabeko eraikinak, eraikin abandonatuak, jomuga izaten” jarraituko dutela, berriz ere “lokal publiko, parte hartzailea eta asanblada bidezkoa” izan arte. Hori dela eta, martxan jar ditzaketen egitasmoetan parte hartzeko dei egin diote Bilboko hiritarrei. bilboko branka

HAUSNARTU, EKIN!

2011-11-16T16:53:00.002+01:00

Kolpeka esnatzen gaituzte…

Izan ere, bizi garen askatasun-ilusio horren azpian, herriaren beldur diren horien bidegabekeria, intolerantzia eta zapalketa ageri dira. Ordena eta bakea eskuratuko genuela hitz eman ziguten, eta ahorren truke jarritako prezioa, gure sumisio eta obedientzia isila izan zen. Hala ere, isiltasuna apurtzen goaz eta espekulazio zein ustelkerian oinarritutako mundua agortzen doa, herriaren etorkizunari bide eginez. Horregatik, Kalea hartzeko gonbitea luzatu nahi dizuegu, eraginkorrena eta irudimentsuena den tresna erabiliz. Zergatik ez gara elkar ikusten azaroaren 19an 17:00etan Bilboko Udaletxearen aurrean?

http://vbilbo.tk/

MURAL POLITIKOEN II. TOPAKETA

2011-11-15T16:00:00.000+01:00

ION ETXEGARAI SOPELOZTARRA EPAITUKO DUTE GAUR AUZITEGI NAZIONALEAN

2011-11-14T12:15:00.000+01:00

Sopeloztarrarentzat bi urte eta erdiko espetxe zigorra eskatzen dute, 2002ko martxoaren 15ean Algortako kutxazain batean lehergailu bat jartzea leporatuta. Aipatu iturrien arabera, fiskalak adierazi du dagoeneko gertakari horregatik kondenatutako Orkatz Gallastegi Sodupe berangoztarrarekin batera, egun horretan Iturgitxi kalean kokatutako La Caixaren kutxazainaren ondoan lehergailu bat jarri zuela. Hain zuzen ere, bere kabuz epailearengana aurkeztera zihoanean atxilotu zuten Etxegarai iazko azaroaren 24an. Handik lau hilabetera, martxoaren 30ean, askatu zuten, 20.000 euroko fidantza ordaindu ondoren. Mutilari zein Gabi Basañezi apirilaren 4an Sopelan egindako harrera kolpeka desegin zuen Ertzaintzak. ukberri.net

Espetxeratu zuteneko manifestazioa

SEKEKO KONPONKETA LANETAN.. BERRIZ ERE!

2011-11-11T00:17:00.000+01:00

Asteburu honetan obrak burutuko ditugu gaztetxearen teilatuan. Lan egiteko hitzorduak hurrengoak dira:
- Barikua 11, 16:00retan
- Zapatua 12, 16:00retan
- Domeka 13, 10:00etan
Sekekoren konponketa lanetan parte hartu nahi baduzu, ordu hauetan, eta gogo askorekin etorri baino ez duzu egin behar!!
Animatu!

Desalojoei buruzko bideo emanaldia eta tertulia

2011-11-09T15:20:00.000+01:00

Bariku honetan, Azaroak 11, desalojoei buruzko bideo emanaldia eta tertulia egongo da, Euskal Jai ta Kukutzako kideekin batera. 18:30tan Eztabaida Gunean (Getxo).

Udondo Gaztetxearen 11.Urteurrena

2011-11-05T14:12:00.001+01:00

AZAROAK 5, ZAPATUA - Lan Egun Antifaxista

11:00etan - Distris y material alternativo

12:00etan - Hitzaldia: "25 urte Anarkherria"

15:00etan - Bazkaria

20:00etan - Kontzertuak 4 euro - SobiEHt + Bajo Presión + JAN

AZAROAK 9, EGUAZTENA - 19:30etan - Deshazkuende tailerra

AZAROAK 11, BARIKUA - Bertsoafaria gaztetxean 21:00etan

AZAROAK 16, EGUAZTENA - 19:30tan Hitzaldia: Irola Irrati Librea - Radios libres, la información como instrumento de transformación social

AZAROAK 17, EGUENA - 19:30tan Bideo proiekzioa: Memoria Historikoa "El muro rosa"

AZAROAK 18, BARIKUA - 21:30tan Kontzertuak: Vendetta + Itziarren Semeak 5euro

AZAROAK 19, ZAPATUA - URTEURRENA!!

15:00etan - Bazkari Herrikoia

19:00etan - Kalejira + Batukada "Perkudondo Brass Band" +`Magoa

21:00etan - Kontzertuak: Vacío + Subrats + Fobbos 3euro

AZAROAK 23, EGUAZTENA - 19:30tan - Bideo aurkezpena: "Insumisioa, 20 urte desobeditzen"

AZAROAK 24, EGUENA - 18:00h A 23:00h - eskalada eta bloke-ari buruzko bideoen proiekzioa

AZAROAK 25, BARIKUA - 19:00 A 22:00h - Ekologia eta mendiari buruzko dokumentalen proiekzioa

AZAROAK 26, ZAPATUA - III. BLOKE TXAPELKETA

11:45h Txapelketaren hasiera. Sailkapenak

14:30h Bazkari begetarianoa

17:00h Finalak

21:00h Kontzertuak: Diswar + Jarraitu + Continuo Renacer 3euro

Martitzenero 19:30tan Gaztetxeko Asanblada

Domekero 17:30tan Perkudondo Brass Band perkusio taldea

Leioako Gazte asanblada: leioa_ga@hotmail.com

11 URTE BIZIRIK! GAZTETXEAK DEFENDATU, OKUPAZIOA AURRERA!

ITZUBALTZETAKO GAZTETXEA DESALOJO ARRISKUAN

2011-11-05T11:07:00.002+01:00

Itzubaltzeta Gaztetxearen Lagunek emandako prentsaurrekoa

Gaurko prentsaurreko honetan Itzubaltzeta / Romoko gaztetxearen lana aintzat hartzen dugun auzokide talde batek eta hainbat elkartek Itzubaltzeta Gaztetxearen Lagunak kultur eta herri plataforma eratu dugula iragarri nahi dugu.

Plataforma honen zergatia erraza da. Herriko gaztetxeak zazpi urte bete berri ditu. Gazte zentroak herrian kultur eta giza ekimen andana burutu du urte hauetan. Hala nola, bertsolaritza, perkusioa, txalaparta, jostura, zura, Tahitiko, Egiptoko eta Euskal herriko dantzak edota malabareak bezalako tailerrak; musika taldeentzako entsegu lokala, kontzertuak, antzezlanak, zine-forumak, hitzaldiak, informatika gela, gimnasioa; denda txikien eta etxebizitza duinaren aldeko kanpainak, behin-behinekotasunaren aurkakoa; Inauteriak, herriko jaiak, Folixa Asturiana eta bestelako ekimenetan ere parte hartzen du. Gazteon eta ez hain gazteon topagune parte-hartzaile eta aktiboa izateaz gain, Itzubaltzeta gaztetxea autogestioaren eredua da. Erakundeetatik sosik jaso gabe, eta gazteei eredu paternalistarik eskaini gabe espazio anitza eta zabala da egun.

Egun, berriz, zentro sozial okupatu hau utzarazi eta eraisteko arriskuan dago. Izan ere, Gobela ibaiaren inguruko etxaldeetan uholde arriskuak gutxitzeko lanak laster helduko dira gaztetxea dagoen Errekagane kalera. Ura agentziak azaroaren zehar egingo du fase horretako plana onartzeko batzarra. Zirriborroaren arabera, Errekaganeko lokaletan dauden gaztetxea, amama baten etxea, squat bat, herriko musika taldeen bi entsegu-lokal, gazte lonja bat eta hainbat lonja eraistea aurreikusita dute. Ikusi beharko da erabaki hori mantentzen den.

Izan ere, botatzearen arrazoia ez litzateke ibaia laupabost metro zabaldu beharra, lokalak arauz kanpo egotea baizik. Gainera, gogoratu behar da Getxoko Udalak prezioa jarri izan diola gaztetxeari. EAJk eta PSE-EEk adostutako 2010eko aurrekontuetan getxoztarrona den milioi bat euro gorde zuten gaztetxea bahitzeko. 2011n, gaztetxea eta Errekaganeko beste lursail batzuk bahitzeko dirua bikoiztu zuten.

Itzubaltzeta Gaztetxearen Lagunak kultur eta herri plataformako kideok ados gaude Gobela ibaiko lanekin, baita gaztetxeak parking-a, ortua, merenderoa eta iturria galtzearekin. Baina badakigu lan horiek bideratzeko ez dela gaztetxea bota behar eta are gutxiago ondoan bizi den amamaren etxea. Gainera, egungo krisi ekonomikoan gaztetxea erosteko milioi bat euro gehi eraisteak balio izango lukeena xahutzeari ez diogu ondo irizten.

Gauzak horrela, eta arazo honi aldeko irtenbidea emateko asmoz, bihar, ostirala, azaroak 4, Itzubaltzeta Gaztetxearen Lagunak kultur eta herri plataforma aurkeztuko dugu jendaurrean, plaza honetan, arratsaldeko 5etatik aurrera, adin guztientzako ekimenak batuko dituen festa dela medio.

Bestalde, honako hauek dira plataforma honi orain arte atxikimendua eman dioten taldeak:

Auzokideok plataforma, "Kultur Etxea sí pero así no" Santa Eugenia plazako auzokideak, Erromo eta Pinuetako Alaiak Jai Batzordea, Itzubaltzetako Emakumeen Asanblada, Getxoko Bildu, Itzubaltzeta / Romoko ezker abertzalea, Branka kultur elkartea, Gazte Enbata aisialdi elkartea, Presoen Lagunak, Erromotarrak futbol sala, Erromoko Hintxak, Peña Furijoko, LZPren aurkako asanblada, IGAKE, Uribe Kostako Ikasle Abertzaleak, Baketazo punk&roll musika taldea, Euskalkiz Euskalki, Eztabaida Uribe Kostako gune antiautoritarioa, Koska irratia, Ukberri Uribe Kostako Komunikabide Euskaldunak, Txorimalo gaztetxea eta 400 auzokide baino gehiago.(mp3).

GAUR INFORMAZIO-BATZARRA

2011-11-04T14:50:00.000+01:00

GORA SOPELAKO GAZTERIA!

ERROMERIA

2011-11-04T10:45:00.000+01:00

SOPELAKO GAZTEENTZAT!

2011-10-30T22:50:00.000+01:00

Gazte Asanbladaren berri eduki gure badozu, etor zaitez azaroaren 4an Sekeko Gaztetxera eta bertan informazioa jasotzeko aukera izengo dozu, bitarteko barik.

Bertan aurtengo dinamikak azalduko direz, ekarpenak egin ahal izengo direzelarik.

Gainera, gogoan izan, eguaztenero 20:30etan asanbladan biltzen garela eta guztiz irekia dala edozein gai komentatzeko edota iraunkorki parte hartzeko.

Gora Sopelako gazteria!!

URTARRILAK 7 DANOK BILBORA!

2011-10-30T12:02:00.001+01:00

KONTZENTRAZIOA: EUSKAL PRESOAK EUSKAL HERRIRA!

2011-10-28T17:19:00.002+02:00

AMNISTIA LORTU ARTE!!

Zeinetan emango duzu izena?

2011-10-26T17:06:00.000+02:00

Izena emateko sopelakoga@gmail.com helbidera zure izen-abizenak eta telefonoa bidali behar dituzu. Animatu zaitez!!

Zapatuan URRIATRANS Sopelan

2011-10-25T23:04:00.000+02:00

"Sistemak ez gaitu definitzen!" lelopean, larunbat honetan, urriak 29, transexualitatearen despatologizaziorako nazioarteko ekintza eguna egingo da Sopelan, Gaztehgam Euskal Herriko Gazteria Sexu Askapenerako Mugimenduaren ekimenez. Hain zuzen ere, hilaren 22an izan zen mundu mailan gutxiengo sexualak gaixo bezala tratatzearen aurkako jardunaldia. Gaztehgam-ek iragarri duen bezala, "bere garaian homosexualitatea egon zen bezala, gaur egun oraindik badaude eskuliburu psikiatriakoetan agertzen diren identitate sexualak, hala nola, transexualitatea.

GAZTE EHGAM kolektiboaren idatzia:

Trans Nortasuna Despatologizatzearen aldeko Nazioarteko Saretik, behin eta berriro egiten dugun moduan, geure nortasunaren psikiatrizazioa salatu nahi dugu. Genero edota nortasun sexualaren nahasketaren —TIG delakoaren— ondorio larriak ere salatu nahi ditugu. Eta, gainera, agerian jarri nahi dugu, indarrean dirauten mediku-prozeduren bidez, pertsona intersexualen aurka gauzatzen den bortizkeria.

Egun, transexualitatea nortasun sexuala zalantzan jartzen duen gaixotasuna da. Horrela ageri da CIE-10ean (Clasificación Internacional de Enfermedades de la Organización Mundial de la Salud) eta DSM-IV-Ran (Manual Diagnóstico y Estadístico de Enfermedades Mentales de la Asociación de Psiquiatría Norte-americana).

Medikuntzak eta Estatuak gaixoak garela esaten dutenean, begi bista dago geure bizitzeko erak haien bizitza-sistema zalantzan jartzen duela. Horregatik diogu, behin eta berriro, gu ez gaudela gaixorik, genero-ikuspegi bikoitza dagoela oker.

Beraz, Transexualitatea Despatologizatzearen aldeko Nazioarteko Saretik, ondoko hau eskatzen dugu:

Ken dezatela transexualitatea buru-gaixotasunen sailkapenetik. Intersex-haurrei tratamendurik ez!
Izena eta sexua aldatzeko lege eskubidea, inolako azterketa mediku edota psikologikorik egin gabe. Estatuak ez du gure izenen, gorputzen eta nortasunen gaineko eskumenik izan behar.
Geure gorpuzkera aldatzeko eskubidea burokrazia, lege, politika edota traba ekonomikorik izan gabe. Ikuspegi mediku-psikiatriko zigortzailerik ez!
Lan bermea eta horiek ziurtatzeko berezko politikak. Sexu lana eginez gero, osasun-egoera egokiak eta lana segurtasunez egiteko baliabideak eskatzen ditugu. Polizia-jazarpenarik ez!
Herrialdera etortzen diren trans-etorkinen kasuan, bat-bateko babes politikoa eman diezaieten nahi dugu eta lege berdintasuna luza dakien.

Gogoan hartu, transfobia dela eta, izan diren jazarpen, eraso, hilketa eta suizidio guztiak. Sistema da horien guztien errudun. Isiltasuna konplizitatea delako.

Zurrunegia da gizon-emakume binomioaren ikuspegia. Aukera baztertzailea da, eta beraz, zalantzan jarri behar dena. Gu izateak, gu existitzeak zalantzan jartzen duelako binomio hori. Anitza eta aberatsa da errealitatea. Medikuntzak eta estatuak gaixoak garela esaten dutenean, begi bistan dago geure bizitzeko erak haien bizitza-sistema zalantzan jartzen duela. Horregatik diogu, behin eta berriro, geu ez gaudela gaixorik, genero ikuspegi bikoitza dagoela oker.

Gorpuzkera eta nortasun aniztasunaren alde! Transexualitatea ez da gaixotasuna!
Sistemak ez gaitu definitzen!!

Horren berri emateko eta errealitate hori ezagutarazteko eta eztabaida sortzeko xedearekin, nazioarteko ekintza eguna ospatuko dute Sopelako udaletxeko plazan, 18:30etik aurrera. Besteak beste, elkarretaratzea, erakusketa eta ekitaldia izango dira.

ERANDIOKO GAZTETXEA BERRESKURATU DUTE

2011-10-25T16:46:00.001+02:00

Gaur, Erandioko gazteek, berriro okupatu egin dute hustutako eraikina gaztetxe proiektua aurrera ateratzeko asmoz.

ESTATUTUA HILDA DAGO!

2011-10-24T17:39:00.000+02:00

Inposatutako jai arrotz hau ez dogu ospatuko!

ERANDIOKO GAZTETXEA DESALOJATU DUTE

2011-10-24T17:11:00.000+02:00

Erandioko udaltzainek, atzo okupatutako eraikina desalojatu egin dute. Badirudi, epai-agindurik ez zeukatela eta atea ostikadaz ireki egin dute. 20:00etan asanblada egongo da.

Uk berri

ERANDION ERAIKIN ZAHAR BAT OKUPATU DUTE

2011-10-24T14:14:00.000+02:00

Oharra:

Duela 5 urte gazte asanblada martxan jarri genuen, gazte alorrean zeuden gabeziei erantzuna emateko. Urte hauetan gazteon artean zein herriko jendearekin sormena, herri kultura, elkartasuna, parte hartzea...etabar Sustatu ditugu, eta asko izan gara proiektura bildu garenak.

Gazteak gara: alaiak, errebeldeak, biziak, euskaldunak, aktiboak, sortzaileak gara. Eta elkarlanaren bitartez proiektu honek bizirik jarraituko du.

Azken garaian, gure ilusio eta ametsak herriari isladatu nahi izan dizkiogu hamaika dinamiken bitartez. Erandioko kaleetan laranja kolorea hedatuz gaztetxe baten beharra zegoela ozen oihukatu dugu.

Gaur arte gure proiektua mugatua egon da, gune propiorik ez baitugu izan. Udalak ez dio gure beharrei erantzunik eman eta honen aurrean erandioko gazteriak bere bidea aukeratu du, okupazioa!

Hauxe izan da gure hautua eta hemen gaude!!! Guztion artean eraiki eta gazteok gestionatuko dugu gaztetxea!

Hau da gure gaztetxea! Hau da gure oraina eta etorkizuna! Hau da herriko gazteon momentua!

Berpiztu genuen herriaren ametsak egi bihurtzeko unea heldu da, ilusioz beteak gaude! Goazen ba kale gris honetako txoko guztiak mila kolorez buztitzera!

GORA ERANDIOKO GAZTERIA!!!!!!

GORA ERANDIOKO GAZTETXEA!!!!

Gaztetxea, okupatutako eta autokudeatutako topagunea da, bertan parte hartzen duten pertsonen esperientziaz eta langile jarreraz aurrera eramana, errespetuzko elkarbizitza eredu baten oinarrituta, non eta erabakiak gaztetxearen proiektuan lan egiten dutenen arteko asanbladan hartzen direnak. Gure bizitza askatzen duten alternatiba kultural, sozial, politiko eta kolektiboak garatzen dituen gune askea da.

EL CORREOK BERE IRAGANA EZKUTATZEN DAU

2011-10-23T11:23:00.000+02:00

SALAKETA MASIBOA

2011-10-20T22:50:00.000+02:00

Pasadan iraileko 21, 22, 23 eta 24 egunetan, Kukutza III gaztetxearen hustuketa eta eraisketa salatzeko herri mobilizazioen harira gertatu ziren poliziaren jarduerak eta erasoek, 67 pertsonen atxiloketa eta 100 zauritu baino gehiago gauzatu zituzten Errekalden eta Bilboko beste lekutan, haien artean masailhezurra apurtuta zuen neska bat, metakarpioa apurtu zuen beste bat edo hirugarren baten tinpanoaren zulaketa, adibidez.

Poliziaren jarduera bortitza eta profesionaltasun txikikoa izan zela uste dugu eta Errekaldeko auzoarentzat setio egoera suposatu zuen ordu askotan. Ertzainak Errekaldeko O.Z.an sartu ziren atxiloketak burutzeko, auzoko merkatari batzuen jabego pribatua ostikoka apurtu eta auzokide askori mehatxuka eta irainka zuzendu ziren. Ez dugu nahi horrelako jarrerak zigortu gabe geratzea, horregatik jasan dituzten pertsona guztiak gonbidatu nahi ditugu era baten edo bestean poliziaren bortizkeria salatzera eta haien eskura jarri gara prozesu honetan laguntzeko eta aholkua emateko.

Salaketa judiziala funtzeskoa dela ulertzen dugu eta horregatik horrelako tratuak jasan dituztenei Bilboko Zaintzako Epaitegira joatea eskatu diegu, eskuan testigantzak, medikuaren parteak eta zaurien lekuko izan daitezkeen dokumentu zein pertsonak eramaten dituztelarik, behin epaitegian dagokion salaketa jartzeko. Egoera hauek kolektiboki egin nahi ditugunez, deialdi publikoa egiten dugu pertsona guzti hauekZAINTZAKO EPAITEGIKO ATERA(Ibañez de Bilbao 3. /K), joan daitezen HURRENGO 2011ko URRIAREN 21a GOIZEKO 10,30tan, behin han, SALAKETA GUZTIAK BATERA SARTU eta ekintzen autore diren ertzain hoiei ardura penalak eskatzeko. Ostean ardura geihago eskatuko genizkieke beraien mando polizial eta politikoei.

Han ikusiko dugulakoan...¡BORTIZKERI POLIZIALIK EZ!

Kukutzako Asanblada.
Salhaketa (Presoen aldeko elkartea)

KURTSO BARRIA SEKEKO GAZTETXEAN

2011-10-18T16:04:00.002+02:00

Aurten ere, ikastaro desberdinak egongo dira Sekeko Gaztetxean.

Sukaldeko kontuak gustetan bajatzu, Azaroaren 1ean hasita, hileko lehenengo eta hirugarren martitzenean, 19:00etatik 21:00etara sukaldaritza barazkijalea ikasteko aukera izengo dozu. Eta eguaztenero, pasaden kurtsoan bezalaxe, txalaparta ikastaroa egongo da, 18:00etatik 19:30etara.

Anima zaitezte!

Ikastaroetan apuntatzeko: sopelakoga@gmail.com
Bidali izen-abizenak eta telefonoa.

HITZALDIA:ZER DIRA KONTSUMO TALDEAK?

2011-10-13T21:57:00.003+02:00

Biher, barikua, Plaza Beltza kulturgunean, "Zer dira kontsumo taldeak?" berbaldia burutuko da. Beraz, elikadura-subirotasuna zer den jakin gura badozu , gerturatu zaitez Larrabasterrako kulturgunera eta EHNEren eskutik informaziñoa jasotzeko aukera izango dozu.

Ganera, bigarren kontsumo taldea osatzen dabil eta horren ardura hartu duten nekazariak bertan egongo dira, talde berriaren egoera azaltzeko. Itxaron-zerrendan apuntatuta dauden familiak, baserritarrekaz egotea eta gauzak antolatzen joatea da asmoa.

URRIAK 12....

2011-10-12T10:07:00.000+02:00

Urriaren 12an ez dogu zer ospatzerik!

2011-10-11T15:01:00.000+02:00

Espainiak inposaketa eta ezarpena suposatu zuen mendeetan zehar Ameriketako herrientzat eta Espainiak gaur egun inposaketa eta hondamena suposatzen du gure herriarentzat .

Espainiar egitasmoa, gainbeheran doa eta gainbeheran eramaten gaitu gu ere, lotuta gaudelako, erabakitzeko aukerarik ez dugulako. Burbuilak, hazkunde ergela, handikeria, ustelkeria, joera eta akats horien guzien fakturak datoz orain, eta guk ere ordaindu beharko ditugu, nahiz eta guk ez ditugun erabaki horiek hartu, nahiz eta erabaki horiek gu aintzat hartu gabe hartu diren.

Oso larria da egoera eta ezin dugu geldirik egon. Gure herriaren etorkizuna arriskuan jartzen ari dira, gainbeheran doan egitasmo bati kateatuta gaude. Ezin dugu onartu gure geroaren hipotekatze hau!

Gauzak honela, argi dago Espainiaren menpe ez dagoela irteerarik. Argi dago, estaturik gabeko herriek, eskuak lotuta dituztela krisiaren aurrean. Geure bidea hartu ahal izateko, gure ekonomia babesteko, gure erabakiak hartu ahal izateko, beste inoren menpe ez joateko, gidaritza hartu eta amildegira doan bidea baztertuz gure garapenarena hartu behar dugu, independentziarako bidea. (independentistak)

ZORIONAK ITZUBALTZETA!!!

2011-10-06T23:04:00.001+02:00

BADATOR,BADATOR....IITZUBALTZETA GAZTETXEAREN VII.URTEURRENA!!

7 URTEZ KOLOREZ ALDARRIKATZEN!!!

IItzubaltzeta Gaztetxearen VII.Urteurrena dela eta, hainbat ekintza burutuko dira, herriak merezi duen moduan ospatzeko...!!!

TXUPINAZOA,BIDEOPROIEKZIOA+LABURMETRAIAK,PING-PONG+IGEL+MUS+PARTXIS TXAPELKETAK,MAHAI INGURUA,ANTZERKIA,

EUSKAL DANTZAK,BATUKADA,TRIKIPOTEOA,KONTZERTUAK....

eta hainbat gauza gehiago!!! Gaztetxean zein herrian burutuko dira....

Itzubaltzetako gazte asanbladak OSPATZERA GONBIDATZEN ZAITUZTETE!!!

Oroimen historikoa Plaza Beltzan

2011-10-06T22:57:00.000+02:00

Plaza Beltza Kulturgunea bere egitarau berriarekin dator, eta oraingoan oroimen historikoa landuko dute erakusketa eta hitzaldien bitartez.

OROIMENA, EGIA, JUSTIZIA
Urriaren 3tik 15arte

“1976 grebatik sarraskira” Gasteizko martxoak 3ko sarraskiaren inguruko erakusketa. Astelehenetik barikura 17.30etatik 20.00etara.

Urriak 11, 19.00etan
Oroimena bizirik dirau. Martxoak 3 elkarteko kideekin hitzaldia.

Urriak 19, 19.00etan
Hitzaldia: Egia, justizia,erreparazioa. Euskal herriko egiaren batzordea. Lau haizetara gogoan elkartearen eskutik.

GAZTETXEAK GARA!!!

2011-10-03T09:14:00.000+02:00

kukutzal luzaturiko mezua:

Datorren URRIAREN 8a,arratsaldeko 6 etan, larunbata,Bilboko kaleak hartuko ditugu GAZTETXEA GARA! lelopean; MANIFESTAZIO INTERNAZIONALA burutuko dugu KUKUTZAren alde

Gaztetxeak beharrezkoak dira, bai Errekalden, Euskal Herrian eta Mundu osoan. Gaztetxeak mundua eraldatzeko tresna dira, antolatzen ikasteko lekuak, bizitzen ikasteko lekuak, borrokatzen ikasteko guneak. Mundu madarikatu hau aldatu behar dugu, buelta eman behar diogu egoera honi, eta bide horretan, gaztetxeek ezinbesteko funtzioa bat betetzen dute.hau da zure tokia! hau da gure momentua!!!!

ostegunak 29 danok errekaldera!

2011-09-27T22:01:00.003+02:00

kukutzak luzaturiko deialdia:
MOBILIZAZIO MASIBOA, ERREBINDIKATIBOA, ZARATATSUA, DINAMIKOA!!
Osteguna, irailak 29, 19:30etan Eusko Jaurlaritzan (Bihotz sakratuaren plazan)
DENOK GARA KUKUTZA!!
PRENTSAURREKOA: Irailak 28 asteazkena, 10:30tan

Anonymous ere Kukutzaren alde

2011-09-27T09:48:00.003+02:00

Anonymous-ek bidalitako mezua :

Espainiar estatuko eta munduko herritar maiteak:

Bizitzen ari zareten udazken honetako egun eder hau etetea sentitzen dut, baina Bilbo hiri ederrean gobernuak eta botere polizialak eragindako jazarpena salatu beharrean gaude.

Gaur ikusitakoaren aurrean, derrigortuak sentitzen gara, gertatutakoa zabaldu eta informatzera. Botere polizialak herritar babesgabeen kontra erabilitako indarkeria ez dugu onartzen eta gaitzetsi egiten dugu.
Espekulazio finantzieroak solar huts eta hilak sortzen dituen bitartean, gure poltxikoetatik lapurtzen duten bitartean, bankuak erreskatatzen… gobernuak errespetatzea erabaki duen eskubide bakarra, jabetza pribatuarena izan da. Estatua sistema finantzierora saldu da eta ondorioak auzo bakoitzean ikus ditzazkegu. Honen arira adibide garbi bat ikusi dezakegu Errekaldeko zentru soziokulturala den Kukutzan eman den biolentziaz beteriko desalojoan eta ondorengo eraitsketan.

Anonymousek aukera eduki du Cabisa S.L. enpresak Kantanbrian datu faltsutzeak egin dituela jakiteko, baina ez hori bakarrik, narkotrafikoarekin zerikusia duten latinoamerikar industrian dauden negozio ezberdinetan ibiltzen dela ere jakin dugu.

Ikusten denez, gobernuak mafiako ugazabak sostengatzen ditu, hauek mekanismo juridikoen bitartez, gure oinarrizko eskubideekin espekula dezaten.

Badakigu honi laister iritxiko zaiola bukaera.

Anonymousek ez du onartuko Bilbon gertatutako ekintzak inpunitatez geldi daitezen eta are gutxiago errepikatu daitezen. Orregatik, berriz deitzen dizuegu Errekaldeko kaleetan protestatzen jarrai dezazuen, baita ere 2011ko Azaroaren 20an egingo den operazioan parte hartzera: #op20N izenekoa.

Espainiar gobernurentzako aipatu eguna, egun historikoa izatea lortuko dugu, bere medio errepresibo eta propaganda medioak sekula ahaztuko ez dutena.

Izengabeak gara.
Legioa gara.
Ez dugu barkamenik ematen.
Ez dugu ahazten.
Itxaron gaitzazue!

KUKUTZAREN ERUSTEA

2011-09-24T15:26:00.005+02:00

Atzo, Irailak 23, duela hamahiru urte Bilboko Errekalde auzoko gazteeniniziatiba propioz sortutako Kukutza III gaztetxea eraitsi zuten. EuskalHerriko gaztetxe mugimenduen erreferentzia eta eredu bihurtu da urte horiekguztietan zehar Kukutza, izan ere, alternatiba kultural, sozial, politiko etakolektiboak garatu dituen gune askea izan da. Horrela, ekintzez beteriko gune parte-hartzaileabihurtu dute Kukutza auzoko gazteek.
Arratsaldeko17:00etan baieztatu zuen epaileak gaztetxearen erauzketa eta, horrekinbatera, makinak suntsiketa lanetan hasi ziren, oraindik barruan gazteakgeratzen zirela kontuan hartu gabe. Bitartean, Kukutzari babesaadierazteko hurbildu ziren toki guztietako gazte zein helduren aurka bortizkeria handiko karga polizialari ekin zion Ertzaintzak, auzo osoahartuz eta plazako jendea disolbatuz. Aresen txakurrek arratsaldeguztian zehar erabilitako bortizkeriak zauritu mordoa eragin zituen eta 31 gazte atxilotuak izan ziren.
Bere aldetik,Iñaki Azkuna Bilboko alkatea epaileak hartutako erabakiaren alde agertu da , Kukutza okupazio ilegalaren kasu nabarmena dela adieraziz etaudaletxearen jarrera jabetza pribatuak babestearen aldekoa izangodela garbi utziz. Herriak alkatearen dimisioa eskatzen du, atzo Errekalden gertaturikoaEuskal Herriko gazte mugimenduaren eta, aldi berean, herri oso baten aurkakoeraso erabat onartezina dela ikusita.

AURRERA KUKUTZA!!

KUKUTZA BOTATZEN ARI DIRA!!!!

2011-09-23T13:27:00.003+02:00

Eraustea konfirmatu dute!!
Hurbildu ahalik eta lasterren!

jai irlandarra BERTAN BEHERA

2011-09-22T08:59:00.001+02:00

KUKUTZA DESALOJATZEN ARI DIRA!!!!

2011-09-21T06:27:00.000+02:00

Orain momentuan, Errekaldeko Kukutza gaztetxea desalojatzen ari dira!!

DENON ESKU DAGO GENOZIDIO KULTURAL HORI EKIDITEA!!

DENOK KUKUTZARA!!

EZ DIRA PASAKO!

DOMEKA BEROAK BADATOZ !!!

2011-09-16T10:11:00.000+02:00

Ikasturte barria martxan jartzeko gure DOMEKA BEROEKIN hasiko gara berriz ere!!
Igande guztietan 18:30etatik aurrera Gaztexea zabalik egongo da eta 20:00retatik 22:30etara hanburgesa eta bokata ederrez gozatzeko aukera egongo da.
Gainera aurten, berrikuntzekin dator eskaintza, hala nola, hanburgesa bejetarioanoaz gain beganoa ere izango dugularik.
Anima zaiztezte eta domeketaz gozatu Sekeko gaztetxean!!

ADI

2011-09-13T22:39:00.002+02:00

KUKUTZA ALERTA GORRIAN!!!

Kukutzaren huste mehatxua gero eta hurbilago dugu.
Badirudi gaur gabaz edo bihar agertuko direla gaztetxea hustu eta erausteko asmoz.

Horrexegatik, Kukutza III Gaztetxeak deialdia luzatzen du DENON ELKARTASUNA ETA LAGUNTZA eskatuz, denon esku dago hori ekiditea.

Azken Guda Dantza hasi da beraz!!!!! Adi Egon Kukutzatik egingo diren deialdiei!!!
Besterik gertatzen ez bada, bihar goizean 11:00etan Prentsaurrekoa egingo da KukutzaIIIGaztetxean azken gertaerak azaltzeko.

EZ DIRA PASAKO!!! KUKUTZA IKUTU BEZ!!!!

KUKUTZA IKUTU BEZ!

2011-09-09T14:00:00.000+02:00

KUKUTZA ALARMA GORRIAN!

2011-09-08T10:54:00.000+02:00

Berria

Bilboko Udalak Kukutza gaztetxea eraisteko baimena sinatu duela jakinarazi dute gaztetxeko kideek. Baimen hori eraikinaren jabe Cabisa SA enpresaren esku dago une honetan, eta hari dagokio eraisteko lanak egitea. Eraikina hustu behar dute oraindik, eta epaileak hori egiteko agindua Ertzaintzari noiz emango zain daude. Behin hori gertatzen denean eraikina husteko lanak edozein unetan has daitekeela ohartarazi dute gaztetxeko ordezkariek.

Bilboko Errekalde auzoko gaztetxea eraisteko baimena orain jaso berri duen arren, eraikin hori hesiekin ixteko ahalegina egin zuen Cabisa enpresak orain aste batzuk. Abuztuaren 2an egin zuten lehen saioa, baina auzoko bizilagunek zein gaztetxeko kideek galarazi zioten aurrera jarraitzea. Eraikinean egiten ari ziren zaharberritze lanak eragozteko saiotzat jo zuten neurria. Ordea, azkenean zaharberritze lanak egin zituzten abuztuak aurrera egin ahala.

AKANPTPATADA

2011-09-08T09:55:00.000+02:00

AUZOLANAK SEKEKON

2011-09-04T16:39:00.000+02:00

Iepa gaztiek!!!

Gaztetxeak berriro ere martxa har dezan konponketatxo batzuk egingo dira hurrengo egun hauetan, beraz antolatutako auzolanetan parte hartzera animatzen zaituztegu:

Irailak 7/ 8/ 9 an: sukaldea berriztatu eta margoketa lanak egingo dira.

Irailak 10/ 11 an: zabaiak konpontzeko pladurra jarriko da.

Irailak 12/ 13/ 14 an : garbiketa lanak egingo dira, gaztetxea txukun-txukun utzita irailak 18ko domeka beroarekin berriro ere martxan hasteko!!

ANIMA ZAITEZTE!!!!

(Auzolanak goiz eta arratsaldez egingo dira printzipioz, goizean 10.30etatik aurrera eta arratsaldean 17.00etatik aurrera. Dena dela, hemendik ordutegiak eguneratzen joango gara.)

...denok eman behar dugu zerbait gutxi batzuek dena eman ez dezaten...

MANIFESTAZIOA GAZTETXEEN ALDE

2011-08-19T12:32:00.000+02:00

PTPari ostikada emoteko akanpada

2011-08-19T12:22:00.003+02:00

PTPren aurkako asanblada:
Ez dira hainbeste urte kandileak baleen oiloaz piztu behar zirenetik, ez eta arropa herriko labaderora eramaten zenetik,baina badirudi azken mendean mila urteko eboluzioa agortu nahi izan dugula.

Beste persona asko bezala, nekatuta gaude bai gure bizitzaren norabidea bai inguruaren etorkizuna gutxi batzuen eskuetan egoteaz, eta lan egingo dugu, baita borroka egin ere, ohitura eta ogibide batzuk berreskuratuak izan daitezen.

Politikariek nahiz enpresaburuek, tradizionalistatzat jotzearen beldurrez, politika progre eta liberalak aukeratu dituzte… zer nolako etorkizuna utziko digute?

Bada, zuloz eta zorraz jositako sistema. Utz gaitzatela bakean; guk badakigu nola antolatu, ez baitugu ezer berririk asmatuko: nekazaritza, arrantza, eskulagintza, abelzaintza, e.a. izango dira gure sistemaren oinarriak eta asanblada herrikoiak horren ardatza.

Turismo eta zerbitzuak lehen bezala komplementuak baino ez dira izango, tortillari buelta eta bokadu eman behar diogu.

Ezin hobeto datorkigu kapitalak pairatzen ari den krisialdia. Krisiak, aldaketa esan nahi du, onerako aldaketa hain zuzen, eta jakin badakigu amalurrarekiko oreka berrezkuratzea ez dela soilik zera ona, premiazkoa baizik.

Uribe Kostan zehar Lurralde Zatikako Planak 30.000 inguru etxebizitza aurreikusten ditu, eta bakarrik Getxon 8000-11000 bitarteko kopurua (getxoko Udalak 5000 bizitoki baino ez direla izango esan arren, gogora dezagun LZPa 16 urteko epeari eginda dagoela).

Gainera Udal honen jarrera salatu nahi dugu: Maidagango tren geltoki zaharra mantentzea aspaldituk aldarrikatu dute auzokideek, eta hori egin ordez Ibarbengoako metro geltoki berria egin dute, zelaien artean, Andra Mari auzoko nekazal eremuekin espekulatzeko asmoz.

Horrexegatik, irailaren 8. 9, 10, eta 11n LZParen aurkako akanpada (akanPTPatada) antolatu dugu, geltoki horren parean.

Hala ere, ez dugu borroka hau Getxora mugatu nahi, Plentzi Sopela, Berango, Leioa eta abarreko HAPO espkulatzaileak gelditu beharko ditugu, baita Armintzako BIMEP eta Lamiakoko makroaraztegia ere, eta eskualdeko proiektu txikitzaile guztiak, UK nortasun eta bizirik gabeko megalopoli bihurtuta ez baduzue nahi, behintzat, Lemoiz bezalako borrokak ez baitira oroitzapen hutsak, baizik eta gertaera eredugarriak.

DESALOJORIK EZ!!! ERMITATZE GAZTETXEA AURRERA!

2011-08-08T14:14:00.000+02:00

Gaur goizean, jada ohiko egin zaizkigun berri latzak jaso ditugu berriro ere.

PLENTZIKO GAZTETXEA DESALOJATU EGIN DUTE!!

Herriko gazteen amets eta lanaren bilgune izan den Ermitatze Gaztetxea tapiaturik dago jada.

Honen aurrean, gaurko arratsaldeko 19.30etarako manifestazioa konbokatu da Plentziko pirulitik.
Entzun gaitzatela!

GAZTETXEAK DEFENDA DITZAGUN!! DESALOJORIK EZ!!!!!!!!

Mexikoko buruzko hitzaldia

2011-08-01T16:28:00.001+02:00

Abuztuaren 3a den asteazken honetan, Sopelako Sekeko Gaztetxean giro paregabeaz gozatzeko aukera izango dugu.
Arratsaldeko sei terdietatik aurrera, jaiotzez mexikarra den Juan Carlos hizlariaren eskutik, bertako errealitatearen berri izateko aukeraz gozatuko dugu.
Gainera denon hitz eta esperientziez aberastuta, egungo injustizia sozialaren
hausnarketa burutuko dugu.
Animatu eta parte hartu,
zuen zain egongo gara!!!
(Hitzaldia, gazteleraz izango da!)